- Du, Oma, seggt Lüttjepütt, Maihööper seggt, Unkel Hinnerk is'n Kommunisten.
- Denn is he wenigstens wat.
- Ik weet ok, wat dat is.
- Denn weeßt du mehr as ick.
- Dat is een, de dat Ünnerste nah baaben kehrt.
- Dat schaadt nix. De Mors blifft ümmer in de Mitt. (S. 58) So geiht dat hen un her: Lüttjepütt hett soveel Fraagen, mehr as Oma, Opa un de Unkels weet, mehr as dat överhaupt Antwurden gifft. Du kinnst dat vun dien eegen Kinner un Grootkinner. Un mitünner warst du wies: De Groten weet dat sülven nich. Un jüst dat, wat open blifft, jüst dat, wo de Lüüd een an den annern vörbisnackt, dor sitt den Schriever sien Levensweisheit, sitt sien Poesie achter. Een wunnerbor utspunnen Generatschoonen-Dialog! Bellmann is 1930 in Ruschwedel, Landkreis Staad, to Welt kamen un is in Nindörp as Buurjung grootwurrn. Bellmann hett nah de Oberschool Theologie un achteran Germanistik studeert. Arbeid hett he twüschendör in't Bargwark un op'n Hoff, he is to See föhrt un weer in Wien an't Theater. Vun Beroop wör he Schoolmester un Schoolmesterutbiller; af 1973 weer he Dozent an de Theologische Akademie in Harmsborg, Lkr. Celle. He hett sick in de ünnerscheedlichsten literarischen Gattungen op Platt utodrücken wüsst: Hörspeel, Theater, Epos, theologische Opsätz, Karkenleder un sogor een Romaan hett he toweeg bröcht. Sturven is he 2006 in sien Heimatdörp. An Priesen hett he allens kregen, wat de nedderdüütsche Kultur to beden hett.
Mit Illustratschonen vun Werner Schinko.
Fast inbunnen, Fadenheftung, Schutzümslag.
12,5 x 20,5 cm
ISBN 978-3-3560-10862
Rostock: Hinstorff, 4. Oplaag 2005, 134 S.
