Dor ward di warm üm't Hart: Upnahm vun dat Liekedeler-Livekunzert 2006 "Trollige Wiehnacht". Egenkompositschonen mit vergnöögliche Melodien un Texten, de Spaaß maakt un den Wiehnachtsstress vergeten lett! De Mehrstimmigkeit, de an a-capella erinnern deit, steiht in'n Vöörgrund. Wenn du mi fraagst: Vun nu an mien Libelings-Wiehnachts-CD! (Heiko Frese) 1. Open Dören 2. Dat sniet 3. Fru Holle 4. Geschenke 5. Dannenboom-Lichterdroom 6. Adventskranz-Lichtertiet 7. En lange Winter 8. De Wiehnachtsgoos 9. De Wiehnachtsmann slöppt 10. Wiehnachtswunner „Liekedeler“ sünd en Grupp, de sik 1989 tosamendoon hett. Wat ut Freid an’t Musikmaken un an de plattdüütsche Spraak anfüng, wör flink en Nebenberoop för de söss Lüüd. Liekers hebbt se all noch’n „anstännigen“ Beroop. „Liekedelers“ weer de Naam vun Klaus Störtebeker sien Seerövers, de Lust, Leed un Gewinnst to glieke Dele delen deen – jüst so as de Liekedelers vun vundaag: Bert C. Biehl, Gert Drögemöller, Christoph Göritz, Jörn P. Schröder, Carola Schacht un Johanna un Klaus Kastendieck. Liekedeler sünd al faken in’t Fernsehn optreden, se maakt jedet Johr en nejet Programm för’t Johr un een för Wiehnachten. Se singt över Land un Lüüd, wüllt aver nich för Gewalt op „volkstümlich“ maken. De plattdüütsche Musik hören will, de sik nich so kommerziell anhört, de liggt bi Liekedeler richtig! (Heiko Frese) Uetersen: Dwarslöper Musikproduktion 2007, 38 Min. Speeltiet
