Fritzing Reuter sien Parodie op de düütsche Kleenstateree un ganz persönlich op sien Monarchen Adolf Friedrich IV. Herzog zu Mecklenburg-Strelitz, dat is de Romaan "Dörchläuchting" - de Titel is de plattdüütsche Koseform vun "Durchlaucht". Togliek en Liebeserklärung an Land un Minschen!
In "De Reis' nah Konstantinopel" maakt Familje Groterjahn en Bildungsreis na Konstantinopel: Jüst sünd se vun'n Lannen na Rostock trucken. Vun wegen de Kinner ehr Bildung hett Mudder Jeanette ok beslaten, datt mit de Kinner blots noch Hochdüütscch rädt warrn schall. Man de plietsche Naver Jahn, ok in Rostock lannt, pläägt mit de Groterjahns en gründliche Fiendschaft. As de Tofall dat will, is he ok mit ünnerwägens na Konstantinopel un föhlt de "Fetthammels" - as de Nierieken nöömt warrrn - düchtig op de Tähn. Mit Texterläuterungen. Fast inbunnen. Rostock: Hinstorff Verlag 1995, 533 S.
